Gleðileg jól

Fita úr fráveitu í flösku

Á 40. afmælisári sínu hefur HEF sett af stað langtímaverkefni sem felst í því að hvetja íbúa til að setja ekki fitu og olíur í fráveitukerfið.  Öllum íbúum standa til boða, án endurgjalds, söfnunartrektar með loki til að skrúfa á einnota plastflöskur sem svo má skila á móttökustöð.

Ávinningurinn er mikill, því hverskonar fita sest í lagnakerfi, bæði heimæða á lóðum sem húseigendur eiga og götulagna í umsjá HEF.  Þá er mikið unnið með því að minnka magn fitu í hreinsistöðvum þar sem hún þránar fljótt og lyktar illa.

HEF vonast til að íbúar verðir virkir fitusafnarar og leggist á eitt við að minnka viðhaldskostnað fráveitukerfisins, til hagsbóta fyrir umhverfið, með möguleikanum á að úr afgangsfitunni verði unnin lífdísill í samstarfi við Vistorku (vistorka.is).

Íbúar geta nálgast trektarnar á skrifstofu HEF, Einhleypingi 1, Fellabæ og í Húsi handanna, Miðvangi 1-3, Egilsstöðum.